Дәстүр бойынша Жаңа жыл мен Рождество мейрамы қарсаңында өткен жылдың қорытындысын шығарып, болашаққа жоспарларды белгілейміз.
Жаһандық жағдай
2023 жыл әлем қазіргі заманның ең үлкен сын-қатерлеріне тап болған кезең ретінде тарихта қалады. Өкінішке орай, соңғы уақыттарда бірнеше рет осылай болғаны тәрізді, өткен жылды еске түсіре отырып, біздің жұмысымызға әсер ететін жаңа жаһандық проблемалардың пайда болғаны туралы тағы да айта кетуге тура келіп отыр.
Өткен жылы біз көптеген салаларға әсер еткен және шығындардың өсуіне және нарықтың құбылмалылығына әкелген жеткізу тізбегіндегі тұрақты қиындықтарға тап болдық. Украинадағы соғыс жалғасып, жаһандық тұрақсыздықты күшейтіп, гуманитарлық апат қаупін төндірді. Еуропадағы энергетикалық дағдарыс көптеген аймақтарды энергетикалық күйреудің алдында қалдырып, дағдарысты деңгейге жетті.
Өткен жылы сондай-ақ Таяу Шығыстағы шиеленіс күшейіп, энергетикалық қауіпсіздікке жаңа қауіп төндірді. Бұл оқиғалар жаһандық энергетикалық нарықтарда елеулі ауытқулар туғызып, мұнай тапшылығына байланысты жаңа тығырықты ахуалдың пайда болуы қаупін тудырды. Еуропа энергетикалық дағдарыспен бетпе-бет келіп отырған қазіргі кезде, бұл жаңа күрделі мәселелер бүкіл әлемдегі экономикалар мен қоғамдардың мойнына ауыр жүк түсіретін жалпы тұрақсыздықты күшейтеді. Германияда бюджеттік дағдарыс өзінің шарықтау шегіне жетті, бұл сөзсіз түрде миллиондаған адамдардың өміріне жағымсыз өзгерістер әкелетін әлеуметтік жүйенің күйреуінің ықтималдығын күшейте түсуде.
Осы құбылыстардың барлығы, өкінішке орай, ең алдымен халықаралық логистика саласындағы шығындардың өсуіне әсер етеді, бұл біздің клиенттерге қызмет көрсетуіміздің құны мен мерзіміне тікелей әсер етеді. Көптеген жылдар ішінде бірінші рет біз бірқатар қызметтеріміздің бағасын қайта қарап, оны жоғарылатуға мәжбүр болдық.
Тұрақтылық, инновация және даму
Осы ауыр шындықтарға қарамастан, біз өсу мен даму жолдарын таба алдық. Біздің команда өзгермелі жағдайларға бейімделуде және кедергілерді еңсеру үшін инновациялық шешімдерді табуда керемет табандылық көрсетті. Біз өз командамызды сақтап қана қоймай, сонымен қатар іс–әрекетімізді да кеңейте алдық, жаңа нарықтар аштық және нарық сегменттеріндегі позициямызды нығайта алдық, сөйтіп, тіпті ең қиын уақытта да болашаққа үмітпен қарай алатынымызды дәлелдедік.
Бір жыл ішінде біз бәсекеге қабілетті және тиімді болып қалуға мүмкіндік беретін жаңа технологиялар мен стратегияларды енгізуге, инновацияларға назар аудардық. Ішкі процестерді және тұтынушыларға қызмет көрсету сапасын жақсарту жөніндегі жұмысымыз 150-ден астам елде жоғары деңгейде қызмет көрсетуге мүмкіндік беретін айтарлықтай нәтижелер әкелді және біз мұнымен тоқтап қалмаймыз және жаңа елдерде өкілдіктерімізді ашуды жоспарлап отырмыз.
Соңғы бір жылда біз клиенттерді тарту және олармен байланысудың негізгі арнасы болып табылатын веб-сайтты дамыту және оңтайландыру бойынша белсенді жұмысты жалғастырдық. Бірқатар техникалық жетілдірулерден басқа, біз 500-ден астам жаңалықтар мен ақпараттық мақалаларды жарияладық. Біздің сайт қазіргі уақытта 8 тілде қол жетімді және біз испан нұсқасын әзірлеу бойынша белсенді жұмыс істеп жатырмыз.
Біз тез өзгеретін нарықтық ахуалға бұдан былай да үнемі әзір болған күйімізде қала беруіміз үшін басқару шешімдерін қабылдауда және тәуекелге негізделген ойлау әрекетімізде ғылыми және сараптамалық тәсілге сүйене қимылдауымызды әлі де жалғастырамыз.
Талантты, ақылды, еңбекқор, пікірлес адамдардан құралған ұжымның күш-жігерінсіз өткен жылдың жетістігіне қол жеткізу мүмкін болмас еді, мен осы ұжымның бір бөлігі болғанымды мақтан тұтамын.
Алғыс білдіру және келешектегі бағыт – бағдарлар
Осы Жаңа жыл мен Рождествода біз командамыздың әрбір мүшесіне, клиенттеріміз бен серіктестерімізге алғысымызды білдіргіміз келеді. Сіздердің қолдауларыңыз, сенімдеріңіз және күш-жігерлеріңіз – біздің табысымыздың негізі. Біз болашаққа оптимистік көзқараспен қараймыз және 2024 жылды жаңа идеялармен және шешімдермен қарсы алуға дайынбыз.
Келер жыл өсу мен табыс табудың жаңа мүмкіндіктерін әкеледі деп сенеміз. Біздің өр мінез команда жаңа сынақтармен бетпе – бет келуге және айналамыздағы әлемді жақсартуға үлес қоса отырып, алға қойған мақсаттарымызға жету жолында жұмыс істеудін жалғастыруға даяр.
Біз өз клиенттерімізге сенімдері үшін шексіз алғысымызды білдіреміз. Сіздерді және сіздің жақындарыңызды Рождество мерекесімен және Жаңа жылмен шын жүректен құттықтаймын!
