Қазақстан Әділет министрлігі "Заңды тұлғаларды мемлекеттік тіркеу және филиалдар мен өкілдіктерді есептік тіркеу саласында мемлекеттік қызметтер көрсету қағидаларын бекіту туралы"ведомство басшысының 2020 жылғы 29 мамырдағы № 66 бұйрығына өзгерістер енгізу жобасын дайындады. Ол legalacts порталында орналасқан.
Жоба заңды күшіне енген кезде тіркеудің хабарламалық тәртібін жою, тіркеуге ұсынылған деректерді тексергеннен кейін онлайн немесе оффлайн режимде өтініш бергеніне қарамастан шағын бизнес субъектілерін тіркеуді жүргізу және мемлекеттік қызметті электрондық түрде көрсету үшін көрсетілетін қызметті алушының жеке басын биометриялық аутентификациялауды жүзеге асыру жоспарлануда.
Жоба шетелдік қатысуы бар шағын кәсіпкерлік субъектілеріне жататын заңды тұлғаларды мемлекеттік тіркеу тәртібін нақтылайды. Ол үшін шетелдік құрылтайшының паспортының немесе басқа да жеке куәлігінің қазақ және орыс тілдеріне нотариалды куәландырылған аудармасымен, сондай-ақ "Халықтың көші-қоны туралы"Қазақстан Республикасының Заңына сәйкес Қазақстан Республикасында коммерциялық ұйымды тіркеу құқығын растайтын құжаттың көшірмесін ұсыну қажет.
Шетелдік қатысуы бар орта және ірі кәсіпкерлік субъектілеріне жататын заңды тұлғаларды мемлекеттік тіркеу сауда тізілімінен жария етілген үзінді көшірмені немесе құрылтайшы - шетелдік заңды тұлға шет мемлекеттің заңнамасы бойынша заңды тұлға болып табылатынын куәландыратын басқа да жария етілген құжатты ұсынуды талап етеді. Бұл құжаттар қазақ және орыс тілдеріне нотариалды куәландырылған аударманы талап етеді. Сонымен қатар, шетелдік компаниялардың филиалдарын ашқан кезде нотариалды аудармасы бар заңдастырылған үзінді көшірмелер қажет.
Жобада өндірістік немесе тұтыну кооперативтерін тіркеу кезінде берілетін құжаттардың тізбесі нақтыланды және кеңейтілді.
