Schmidt & Schmidt компаниясы Токелауда берілген құжаттарды консулдық заңдастыру (легализациялау) қызметтерін ұсынады.
Токелау бүгінгі таңда іс жүзінде Жаңа Зеландияға тәуелді аумақ болып табылады. Алайда оның түпкілікті мәртебесі әлі анықталған жоқ. Сондықтан құжаттарды апостильдеу арқылы оңайлатылған тәртіппен заңдастыру процедурасын белгілеген 1961 жылғы 5 қазандағы Гаага конвенциясының мүшесі болып табылатын Жаңа Зеландия бұл конвенцияның қолданысы әзірше Токелауға таралмайтыны туралы арнайы декларация қабылдады. Бұдан шығатын қорытынды, Токелаудағы құжаттарды заңдастыру, сондай-ақ оларды осы аумақта пайдалану тек консулдық заңдастыру жолымен (Жаңа Зеландияның уәкілетті құрылымдары арқылы) ғана мүмкін болады.
Консульдық заңдастыру апостильдеуге қарағанда айтарлықтай көп уақытты алады және үлкен қаржылық шығындарды талап етеді. Ол құжатты Әділет министрлігінің уәкілетті органдарында, Сыртқы істер министрлігінің құрылымдық бөлімшелерінде, сондай-ақ баратын елдің консулдығында куәландыруды қамтиды. Құжат тек сонда белгісі қойылған елдің ғана аумағында құқықтық күшке ие болатынына назар аудару қажет.
Токелаудағы құжаттарды заңдастыру процедурасы
Токелаудың билік органдары мен басқа да уәкілетті құрылымдары берген және Қазақстанда пайдалануға арналған құжатты заңдастыру үшін мыналар қажет:
- Құжатты Токелау мен Жаңа Зеландияның уәкілетті органдарында куәландыру
- Құжатты Жаңа Зеландияның Сыртқы істер және сауда министрлігінде куәландыру («аутентификациядан» өту)
- Құжатты Қазақстанның Жаңа Зеландиядағы елшілігінің консулдық бөлімінде заңдастыру
- Құжатты қазақ немесе орыс тіліне аудару
Аталған процедуралардан өткеннен кейін құжатты заңдастыру аяқталады және құжатты ҚР-да пайдалануға болады.
Қазақстандағы құжаттарды заңдастыру процедурасы
Жаңа Зеландияның декларациясына сәйкес, Токелау апостиль қою туралы Гаага конвенциясына қатыспайтындықтан, Қазақстанда берілген және Токелауда пайдалануға арналған құжаттар да консулдық заңдастырудан өтуі тиіс, ол әдетте мынадай әрекеттерді қамтиды:
- Уәкілетті аудармашыға құжатты ағылшын тіліне аударту
- Аударманы нотариуста куәландыру
- Құжатты ҚР СІМ Консулдық департаментінде куәландыру
- Құжатты Жаңа Зеландияның Қазақстандағы елшілігінің консулдық бөлімінде немесе консулында заңдастыру
Барлық аталған процедуралардан өтіп, құжатқа тізімделген инстанциялардың белгілері қойылғаннан кейін құжат Токелаудың ресми органдарына ұсынуға толық дайын болады.
Консулдық заңдастыруға жататындар:
- Туу, қайтыс болу, неке қию, ажырасу туралы куәліктер, азаматтық хал актілерін тіркеу органдарынан алынған басқа да үзінді көшірмелер
- Дипломдар, аттестаттар, білім туралы сертификаттар, біліктілік құжаттары
- Сот құжаттары
- Медициналық құжаттар
- Заңды тұлғалардың құрылтай құжаттарының көшірмелері
- Нотариуста рәсімделген құжаттардың түпнұсқалары
- Сенімхаттар
- Баланың шетелге шығуына келісімдер
- Заңды тұлғалардың тізілімінен немесе компаниялар тізілімдерінен үзінді көшірмелер
Біздің артықшылықтарымыз
- Әрбір тапсырысқа жеке көзқарас
- Ашықтық
- Қызмет көрсетудің жоғары сапасы
- Апостильді рәсімдеудің жылдамдығы
- Сіздің қаржылық шығындарыңызды оңтайландыру
- Барлық процедуралардың заңдық мінсіздігі
Сонымен қатар, бізден құжаттарды қазақ немесе орыс тіліне нотариалды аударуға тапсырыс беруіңізге болады.
